„სილქ როუდ ჯგუფის“ ხედვა უძრავი ქონების სექტორში ითვალისწინებს ყოვლისმომცველ მიდგომას ტერიტორიის განვითარებისთვის, მისი ზოგადი მიმზიდველობის გასაზრდელად და გრძელვადიანი ღირებულების შესაქმნელად, რაც საბოლოო ჯამში დადებითად მოქმედებს ქალაქის დარეგიონის მიმზიდველობის გაუმჯობესებაზე. ადგილობრივი მაცხოვრებლებისთვის და სტუმრებისთვის უკეთესი პირობების შექმნაზე და კომპანიის აქტივების გრძელვადიანი ღირებულებების გაზრდაზე.
სწორედ გრძელვადიანი გეგმა დაისახა თბილისის ცენტრის განვითარებისთვის, სადაც 15 წლიან პერიოდში ჯამში 200 მილიონამდე დოლარის ინვესტიცია იქნა განხორციელებული. ამ თანხიდან 100 მილიონი დოლარი დაიხარჯა სასტუმრო რადისონ ბლუ ივერიას მშენებლობაზე, ხოლო დანარჩენი – სხვადასხვა აქტივების შეძენას მოხმარდა, იმისთვის, რომ მომდევნო წლებში შექმნილიყო თბილისის ახალი ცენტრი პირველი რესპუბლიკის მოედნის გარშემო.
მრავალი სირთულის მიუხედავად, 2006-2008 წლებში მოხდა ბინების და კომერციული ფართების გამოსყიდვა საქანელას და ჯავახიშვილის ქუჩებზე, რესპუბლიკის მოედნის ქვეშ მიწისქვეშა კომპლექსში და რუსთაველის 37-ში (მელიკ აზარიანცის შენობა). ამავე პერიოდში, სახელმწიფოსგან და კერძო მესაკუთრეებისგან გამოსყიდული იქნა ყოფილი ფოსტა-ტელეგრაფის შენობა. საერთო კონცეფციაზე მუშაობა მიმდინარეობდა ეტაპობრივად და დღესაც გრძელდება სხვადასხვა მიმართულებით.
პირველი რესპუბლიკის მოედანი:
გრძელვადიანი ხედვის განხორცილება დაიწყო 2005 წელს სასტუმრო ივერიიდან დევნილებისთვის ფულადი კომპენსაციის გაცემით. თითოეულ ოჯახს გადაეცა იმ დროისათვის ადეკვატური კომპენსაცია, რომლითაც შესაძლებელი იყო საყოფაცხოვრებო პირობების მნიშვნელოვნად გაუმჯობესება.
სასტუმროს გამოსყიდვის პარალელურად დაიწყო რეკონსტრუქციისთვის არქიტექტურული კომპანიის შერჩვა. საბოლოოდ არჩევანი შეჩერდა ბერლინურ კომპანია გრაფტზე (www.graftlab.com). იმ პერიოდში ეს გახლდათ ახალგაზრდა და წარმატებული კომპანია, რომელიც მუშაობდა ბერლიში, ლოს ანჯელესსა და შანხაიში. წლების განმავლობაში სილქ როუდ ჯგუფსა და გრაფტს შორის მჭიდრო, სამუშაო ურთიერთობა ჩამოყალიბდა და გრაფტი ჯგუფის სხვა პროექტებშიც ჩაერთო. ბოლო პერიოდში კომპანია ჩამოყალიბდა საერთაშორისო ცნობილ არქიტექტურულ ჯგუფად, რომელმაც მრავალი პროექტი განახორციელა მსოფლიოში და არაერთი არქიტექტურული პრიზი მოიპოვა.
2020 წელს მსოფლიო უძრავი ქონების გამოფენა მიპიმზე ( www.mipim.com ), სადაც წინანდლის სასტუმროს კოპლექსი 4 საუკეთესო პროექტს შორის მოხვდა, გრაფტს ჯილდო ბერლინში განხორციელებული პროექტისთვის გადაეცა. (ნომინაცია საუკეთესო საცხოვრებელი პროექტი https://graftlab.com/portfolio_page/wave/ ).
სასტუმრო ივერიას რეკონსტრუცია დაიწყო 2007 წელს და მიუხედავად 2008 წლის აგვისტოს ომისა და ფინანსური კრიზისისა 2010 წელს გაიხსნა რადისონ ბლუ ივერია, რომელიც დღემდე წარმოადგენს თბილისის საუკეთესო სასტუმროს და სავიზიტო ბარათს.
პარალელურად დაისახა საქანელას ქუჩის, ჯავახიშვილის ქუჩის, სავანეს მიწისქვეშა კომპლექსის და რუსთაველის 37-ის (მელიკ აზარიანცის სახლი) მფლობელებისგან ბინების და კომერციული ფართების გამოსყიდვის გეგმა. 2006-2008 წლებში ბინის ფასი განისაზღვრებოდა მოლაპარაკების გზით და შეადგენდა იმ დროინდელ საბაზრო ფასზე რეალურად ბევრად მაღალს. ჯამში ფართების გამოსყიდვაზე კომპანიამ დახარჯა დაახლოებით 40 მილიონი აშშ დოლარი, აქედან მხოლოდ საქანელას და ჯავახიშვილის ქუჩების მაცხოვრებლებისგან ბინების გამოსყიდვაზე – დაახლოებით 20 მილიონი აშშ დოლარი. საერთო ჯამში საქანელას ქუჩის ტერიტორია შეადგენს დაახლოებით 2 ჰექტარს.
ტერიტორიის შეძენის დროს, განაშენიანების კოეფიციენტი 4.6 შეადგენდა, რაც კომპანიას დახლოებით 100 ათასი კვადრატული მეტრის განაშენიანების შესაძლებლობას აძლევდა.
ამ პარამეტრების მიხედვით კომპანია გრაფტის მიერ მომზადდა ტერიტორიის განაშენიანების პროექტი, რომლის მიხედვითაც ამ ტერიტორიაზე უნდა განთავსებულიყო დაახლოებით ამ მოცულობის მრავალფუნქციურ კომპლექსი. გრაფტთან ერთად პროექტში ჩართულები იყვნენ მსოფლიოში განთქმული საინჟინრო კომპანიები არუპი (www.arup.com) და ბიურო ჰაპოლდი (www.burohappold.com).
პროექტი არ გულისხმობდა ტიპიური საცხოვრებელი სახლების მშენებლობას, რადგან კომპანიის მიზანიპირველ რიგში იყო და არის ამ ტერიტორიის კომპლექსურად განვითარება და გრძელვადიანი მიმზიდველობის გაზრდა, შესაბამისად მასშტაბურობისა და თანხის დაბრუნების ვადების გამო პოსტ-კრიზისულ პერიოდში გართულდა ამ პროექტისთვის დაფინანსების მოზიდვა და მისი განხორციელება გადაიდო. ამ პერიოდში გრძელვადიანი ხედვის მხოლოდ ნაწილის განხორციელება მოხერხდა, ორი, თანამედროვე სტანდარტების შესაბამისი სასტუმროს სახით.
2010 წელს შემცირდა მოცულოლები და ქართული არქიტექტურული კომპანია არტსტუდიოს (www.artstudio.ge) მიერ მომზადდა პროექტის ადაპტირებული ვარიანტი, თუმცა უძრავი ქონების ბაზარზე შექმნილი რეალობიდან გამომდინარე, კომპანიამ არ ჩათვალა საჭიროდ პროექტის ამ ვერსიის განხორციელება.
2012-2013 წლებში სილქ როუდ ჯგუფმა თბილისის ცენტრის განვითარების გრძელვადიანი გეგმის მიხედვით დაიწყო პირველი რესპუბლიკის მოედნის ნაწილობრივი რეკონსტრუქციის პროექტი, რომლის შედეგად მოედანზე გაჩნდა დღეისთვის ერთ-ერთი პოპულარული კაფე „ივერია“, გაფართოვდა საფეხმავლო ზონა, მოხდა გამწვანება.
2017 წელს დასრულდა საღონისძიებო სივრცე „რესპუბლიკის“ მშენებლობა. პროექტის ავტორია ქართული არქიტექტურული კომპანია ნოა სტუდია (www.noa-studio.com).
2015 წელს სილქ როუდ ჯგუფმა დაიქირავა სინგაპურული კომპანია დიპიეი (www.dpa.com), რომელმაც წარმოადგინა საქანელას განვითარების თავისებური ხედვა. დავალების მიხედვით მაქსიმალურად იქნა გამოყენებული კოეფიციენტი, რის შედეგადაც მივიღეთ საინტერესო, თანამედროვე, თუმცა თბილისისთვის შეუთავსებელი არქიტექტურული კონცეფცია, რომელიც უარყოფილი იქნა.
ამის შემდეგ, ჩატარდა კონკურსი ქართველი არქიტექტორების მონაწილეობით. თუმცა უპირატესობა გრაფტის მიერ წარმოდგენილ ვერსიას მიენიჭა და 2019 წელს პროექტზე მუშაობა განახლდა.
საქანელას პროექტის პარალელურად „სილქ როუდ ჯგუფის“ აგრძელებს მუშაობას სხვადასხვა მიმართულებით, იმისთვის რომ საბოლოო სახე მიეცეს იმ ხედვას, რომლის მიხედვითაც ჩაფიქრებულია პირველი რესპუბლიკის მიმდებარე ტერიტორიის განვითარება. .
ტერიტორიის განვითარების გეგმა:
2019 წელს კომპანიამ განაახლა მუშაობა კომპანია გრაფტთან საქანელას პროექტზე. პარალელურად მიმდინარეობდა ურთულესი მოლაპარაკების პროცესი მერიასთან და ისტორიულ საბჭოსთან, სხვადასხვა ინტერესების გათვალისწინებით. ერთი მხრივ, პროექტი უნდა შეესაბამებოდეს ტერიტორიას არქიტექტორულად, არ დაარღვიოს თბილისის ცენტრის განვითარების გეგმა, ამავე დროს იყოს მიმზიდველი ინვესტორისთვის და საბოლოო ჯამში კი მივიღოთ მაღალი ხარისხის არქიტექტურა. მერიასთან და ისტორიულ საბჭოსთან მოლაპარაკების გზით განისაზღვრა რომ პროექტის სამშენებლო ფართი არ უნდა აჭარბებდეს 65.000 კვადრატულ მეტრს (კოეფიციენტი 3.1) . განისაზღვრა ფუნქციების პროპორციული განაწილებაც, რომლის მიხედვითაც, სამშენებლო მოცულობის ნახევარზე მეტი არ უნდა ყოფილიყო საცხოვრებელი ბინები, 12-15 ათასი კვადრატული მეტრი დაეთმობა საოფისე ფართებს ხოლო დანარჩენი იქნება კომერციული დანიშნულების ფართები: მაღაზიები, რესტორნები და სასტუმრო.
ასევე იქნა გათვალისწინებული ტერიტორიის მდებარობა ისტორიულ ზონაში, მისი დამოკიდებულება ჯავახიშვილის სახლ-მუზეუმთან, ხედები სხვადასხვა წერტილებიდან. მაქსიმალურად იქნა გათვალისწინებული ისტორიული საბჭოს და მერიის მოთხოვნებიც სიმაღლეებთან დაკავშირებით. გათვალისწინებული ცვლილებებით პროექტი შეტანილი იქნა გრგ-ს დასამტკიცებლად.
